Joan den ostiralean, hilak 19, Dekorazio Zikloko ikasleek Azkuna Zentroa - Alhondiga Bilbao enblematikoa bisitatu zuten. Bertan, Philippe Starck diseinatzaileak Bilboko eraikin publiko bat eraberritzeko egindako proiektua bertatik bertara ezagutzeko eta aztertzeko aukera izan zuten. Jasotako azalpenez baliatuz, proiektuaren ideiaren eta antolaketaren alderdiak eta proiektua gauzatzeko erabilitako eraikuntza-xehetasun batzuk ikusi ahal izan zituzten. Gainera, bisita gidatu bat egin ahal izan zuten Chiaru Shiota artista japoniarraren “My Home is Your Home” erakusketara.
