Matilde, Dekorazio Zikloko bigarren mailako irakaslea eta ikasleek Bilbon eta atzerrian egiten dituzten praktiken koordinatzailea, aste honetan Kopenhagen prestakuntza ikastaro batean parte hartu du.
Irantzu, Lan prestakuntza eta orientabideko irakaslea, Helsinkira joan da prestakuntza ikastaro bat egiteko eta han, europako herrialde desberdinetako lankideekin formakuntza aberasgarria burutu du
Arte Eszenikoetako 2. mailako ikasleek Emilia Pardo Bazanen "Indultua" ipuinaren antzerkirako egokitzapena prestatu dute.
Testua egokitu ondoren, entseatu dira testuaren irakurketa dramatizatua egiteko, eta hauxe da emaitza: Emilia andrearen liburu-audio bat, Emilia andrearen obraz gozatzeko.
Batxilergoko 1. mailako modalitate guztietako ikasleak ere Madrilera joan ziren eta Prado Museoa, Thyssen Museoa, Arkeologia Museoa, Hiltegia eta letren Madril bisitatu zituzten. Etxera itzultzean, Segovian gelditu ziren Akueduktua ikusteko.
Dekorazio Zikloko ikasleek Reina Sofia eta Dekorazio Arteen Museoa bisitatu zituzten.
Madrilgo Sagasta eraikinean aurten egin den Casa Decor interiorismo plataformako 57 espazio dekoratu bisitatzeko aukera ere izan dute Dekorazio Zikloko ikasleek, non enpresa, marka eta diseinatzaile ugarik parte hartu duten.
Batxilergoko aurrematrikularako eskabideak aurkezteko egutegi komuna martxoaren 31tik apirilaren 11ra bitartekoa da. Eskaerak online edo aurrez aurre egin ahal izango dira institutuko idazkaritzan.
Kantu-lehiaketa bat antolatu dugu edozein musikazalerentzat. Baldintza bakarra 22 urtetik beherakoa izatea da. Zatoz zure talentua erakustera eta, hautatua bazara, ezusteko txiki bat hartuko duzu. Irabazleentzako sariak lehiaketaren oinarrietan argitaratzen ditugu. Anima zaitez eta izena eman gure formularioan apirilaren 9a baino lehen.
Gogoratu ostiral honetan castingaren eguna dela, eta aurrez aurrekoa izan daitekeela (ekitaldi-aretoan, 11:00etan), edo grabazio bat bidaltzen duzuela, ahal bada bideo bat.
Joan den ostegunean, Dekorazio Zikloko bigarren kurtsoko ikasleek Azkuna Zentroa - Alhondiga Bilbao bisitatu zuten. Bertan, Philippe Starck diseinatzaileak Bilboko eraikin publiko baten barnealdea eraberritzeko egindako proiektua bertatik bertara ezagutzeko eta aztertzeko aukera izan zuten. Jasotako azalpenez baliatuz, proiektuaren ideiaren eta antolaketaren alderdiak eta proiektua gauzatzeko erabilitako eraikuntza-xehetasun batzuk ikusi ahal izan zituzten.
